У цэлай Польшчы праходзіць першы этап Сусьветных дзён моладзі – Місійны тыдзень. Цягам тыдня моладзь з усяго сьвету жыве ў розных кутках Польшчы, дзе знаёміцца з польскай культурай, гісторыяй, традыцыяй і з палякамі.
Гэтая падзея не магла б адбывацца без валанцёраў.
У Варшаве працуе каля тысячы чалавек. Гэта пераважна маладыя людзі, але ёсьць таксама й асобы ў сталым узросьце, якія далучыліся да працы на СДМ з увагі на Яна Паўла ІІ.
Галоўная задача валанцёраў – аказаньне прафэсійнай дапамогі ўдзельнікам, гасьцям і турыстам падчас Місійнага тыдня. Працы вельмі шмат – кажа адна з адказных за працу валанцёраў Марта Кукоўска з Цэнтра думкі Яна Паўла ІІ.
М. Кукоўка: У практыцы мы ім далі магчымасьць быць гаспадарамі Варшавы. Валанцёры прысутнічаюць найперш у аэрапортах, на вакзалах, на галоўных перасадачных пунктах. СДМ – гэта найперш рэлігійная падзея, таму валанцёры знаходзяцца ў касьцёлах і праводзяць экскурсіі. Пілігрымы прыяжджаюць па рэлігійных прычынах, але таксама каб пазнаёміцца з Польшчай, паглядзець Варшаву. Валанцёры набліжаюць ім польскую гсіторыю, знаёміць з польскай культурай.
На Сусьветныя дні моладзі прыехалі асобы зь вельмі далёкіх краін, часта нават экзатычных. Аднак яны ня маюць праблем, каб дамовіцца з валанцёрамі СДМ, якія размаўляюць на розных мовах – запэўнівае Марта Дэрманьска з гарадзкой ратушы.
М. Дэрманьска: Такія мовы як ангельская, француская, гішпанская ня робяць ніякага ўражаньня. Гэта стандарт. Уражаньне робіць румынская, карэйская, нарвэская мова. Сярод валанцёраў, якія дапамагаюць, ёсьць асобы, якія валодаюць мовай для глуханямых.
Караліна Блажэйчык прызнае, што праца валанцёрам – гэта вялікі выклік.
К. Блажэйчык: Гэта выклік па арганізацыйных прычынах, паколькі гэта вельмі вялікае мерапрыемства. Гэта таксама выклік, каб дапамагчы моладзі падрыхтавацца духоўна. Нам вельмі хочацца, каб у іх засталася зерне, якое потым дасьць плён.
Валанцёры прайшлі шматлікія курсы, напрыклад, па гісторыі гораду, курсы па інтэрпэрсанальных стасунках і першай мэдычнай дапамозе.
Пра працу расказвае валанцёр Анна Патэмпска.
А. Патэмпска: Задачы валанцёраў вельмі розныя. У Варшаве яны падзеленыя на чатыры групы. Мы, валанцёры з Цэнтра думкі Яна Паўла ІІ, займаемся пераважна Гарадзкой зонай культуры. Ёсьць таксама валанцёры ад гораду. Яны займаюцца інфармацыйнымі пунктамі, знаходзяцца на вакзалах і ў аэрапортах. Валанцёры ад Касьцёла арганізоўваюць свабодны час замежных гасьцей.
Валанцёр Анна Калета расказвае, што валанцёрства ў рамках Сусьветных днях моладзі для многіх пачалося некалькі месяцаў таму.
А. Калета: Маё валанцёрства пачалося некалькі месяцаў таму. Але я маю знаёмых, якія зьяўляюцца валанцёрамі СДМ ужо два гады, я распачала сваю прыгоду ў лютым. З самага пачатку я займаюся медыйнымі справамі, цяпер вяду блёг пра СДМ, зьяўляюся валанцёрам Цэнтра думкі Яна Паўла ІІ.
Свой удзел у Сусьветных днях моладзі ў Кракаве зарэгістравалі 60 тысяч чалавек са 187 краін сьвету. Колькасьць зарэгістраваных пілігрымаў не ўплывае на ацэнкі арганізатараў аб колькасьці ўдзельнікаў у галоўных урачыстасьцях. У Кракаў можа прыехаць нават 1,5 млн чалавек, паколькі сустрэча мае адчынены характар і не абавязкова рэгістравацца для ўдзелу.
Зь Беларусі ў Польшчу прыехала каля тысячы маладых беларусаў. Пачаткова меркавалася, што іх будзе каля 5 тысяч. Усё ж канчаткова іх лічба засталася значна меншай.
ав