У Новай Зэляндыі будуюць самага злоснага робата

Новазэляндзкая кампанія Touchpoint заявіла аб тым, што канструюе самага злоснага робата ў сьвеце. Задача машыны - дапамагчы камэрцыйным фірмам разумець і супакойваць разгневаных кліентаў.

Touchpoint уклала ў свой праект каля паўмільёна даляраў, а выпусьціць машыну зьбіраецца да канца 2015 году. Пры ўсёй сваёй агрэсіўнасьці робат ня здольны да небясьпечных дзеяньняў. У яго базу дадзеных закладзены толькі мільёны размоў зь незадаволенымі кліентамі, і ён запраграмаваны на паўтор і перайманьне такіх камунікацыйных мадэляў. Па сутнасьці, гэта будзе вельмі просты робат: ад яго патрабуецца толькі выдаваць мноства абразьлівых выказваньняў, не азіраючыся на тонкасьці камунікацыі.

Людзям няма прычын асьцерагацца злосных робатаў, тлумачыць футуроляг Сьцюарт Армстронг з Оксфарда. «Чаму мы баімся разьюшанага чалавека? Таму што ён можа нарабіць глупстваў. А робаты ня будуць пагражаць забойствам або пісаць дззсяткаў злых твітоў. Нічога такога, на што здольны разгневаны чалавек, яны ня зробяць, хіба што іх на гэта запраграмуюць», - растлумачыў вучоны.

Больш за тое, чалавек павінен, наадварот, асьцерагацца добразычлівых робатаў. Эвалюцыя падрыхтавала людзей змагацца зь відавочнымі і вядомымі ім небясьпекамі. Таму рызыку для нас уяўляюць машыны, якія запраграмаваныя хаваць свае сапраўдныя намеры, упэўнены Армстронг.

эб/lenta.ru