Азаранка і Мірны ў чвэрцьфінале

Вікторыя Азаранка выйшла ў чвэрцьфінал адкрытага чэмпіянату Аўстраліі па тэнісе — першага з чатырох у сэзоне турніраў "Вялікага шлема".

20 студзеня ў чацьвёртым коле другая ракетка сьвету перамагла амэрыканку Слоан Стывэнс (13) зь лікам 6:3, 6:2.

Наступная суперніца Азаранкі вызначыцца ў матчы полькі Агнешкі Радваньскай (5) і гішпанкі Гарбінэ Мугуруса (38).

Беларуская спартоўка выйграла Australian Open у 2012 і 2013 гадах.

У сваю чаргу Максім Мірны, які займае 26-е месца ў парным рэйтынгу, і расеец Міхаіл Южны (77) выйшлі ў чвэрцьфінал спаборніцтваў дуэтаў — яны перамаглі ў трэцім коле "пасеяных" пад 11-м нумарам французаў Жульена Бэнто і Эдуара Ражэ-Васьлена— 6:2, 4:6, 6:3.

Перад гэтым Мірны і Южны ўзялі верх над шостымі "сеянымі" гішпанцамі Марсэлем Гранальерсам і Маркам Лопэсам— 4:6, 6:3, 7:6 (7:3).

У наступным раўндзе іх чакае паядынак яшчэ з адной "сеянай" (пад 14-м нумарам) парай — у ёй гуляюць Лукаш Кубат (Польшча) і Робэрт Ліндстэт (Швэцыя).

БелаПАН/эб