Samsung пакажа смартфон з "выгнутым" экранам

Як паведаміў кіраўнік кампаніі па стратэгічным маркетынгу Ды Джэй Лі на прэзэнтацыі "планшэтафона" Galaxy Note 3 у Сэўле, гаджэт з "выгнутым" экранам будзе прадстаўлены ў кастрычніку. Анонс навінкі пройдзе ў Паўднёвай Карэі. Рэліз прылады запланаваны на ІВ-ы квартал года, паведамляе Reuters.

Гнуткія OLED-дысплэі (яны ярчэйшыя, чым вадкакрысталічныя, і не патрабуюць асобнага падсьвятленьня) дадуць кампаніі адчувальную перавагу на рынку. Вядома ж, новы смартфон ня стане цалкам гнуткім — гэтаму перашкодзяць іншыя кампанэнты, такія як акумулятар або электронная схема.

Прататып прылады з выгнутым OLED-экранам Samsung паказаў у студзені на выставе CES-2013. Паводле задумы інжынераў, на атрыманай выгіне могуць паказвацца паведамленьні, стужка навін або атрыманыя смс-кі.

Нягледзячы на ўсе перавагі, гнуткія OLED-дысплэі каштуюць нашмат даражэй, чым вадкакрысталічныя. Сёлета Samsung i LG ужо пачалі абсталёўваць такімі панэлямі вялізныя тэлевізары, кошты якіх, як правіла, пачынаюцца ад 9000 даляраў.

Вести.Ru/эб