Небясьпечны вірус крадзе SMS-кі!

Шкоднасная праграма пад назвай "Android.Pincer.2.origin" гэта г.зв. траян, які ўсталёўваецца пад выглядам карыснай для карыстальнікам праграмы. Траян дазваляе зламысьніку атрымаць інфармацыю, якая захоўваецца на прыладзе, бязь ведама і згоды ўладальніка смартфона. Як паведамляюць экспэрты распрацоўніка антывіруснага апраграмаваньня, кампаніі Dr. Web, траян распаўсюджваецца ў выглядзе сэртыфікату бясьпекі, які нібыта неабходна ўсталяваць на смартфоне пад кіраваньнем Android. Праграма выводзіць на экран ілжывае паведамленьне аб пасьпяховым усталяваньні сэртыфікату, а пазьней да перазагрузкі прылады не праяўляе актыўнасьці.

Пры перазагрузцы прылады "Android.Pincer.2.origin" падключаецца да адмысловага сэрвэру і перадае на яго такія зьвесткі, як нумар і мадэль тэлефона, назва апэратара, вэрсія апэрацыйнай сыстэмы.

Затым шкоднасная праграма чакае ўказаньняў ад кіберзлачынцаў, напр. аб перахопе SMS-паведамленьняў карыстальніка. Яна можа таксама перадаваць каманды, якія будуць зьяўляцца на дысплэі заінфэкаванай прылады. Такім чынам зламысьнікі могуць перахапіць SMS-павемленьні з аднаразавымі кодамі для выкананьня апэрацый онлайн.

Як можна абараніцца? Па-першае і галоўнае, трэба забясьпечыць паролем доступ да тэлефону. Па-другое, важныя зьвесткі, якія захоўваюцца на смартфоне, лепш шыфраваць. Таксама неабходна асьцярожна карыстацца агульнадаступнымі бесправаднымі інтэрнэт-сеткамі. Экспэрты таксама раяць разважліва абнаўляць праграмнае забесьпячэньня на прыладах.

эб