Ва Ўроцлаве завершылася выстава Лявона Тарасэвіча

Паказ дакумэнтальнага кіно "Ікона ў дарогу", шпацыр з мастаком па экспазыцыі ды прэзэнтацыя выставачнага каталёгу – гэтыя падзеі ў Музэі архітэктуры ва Ўроцлаве закончылі выставу беларускага мастака з Падляшша Лявона Тарасэвіча.

Па жаданьні Ўроцлаўскай акадэміі мастацтваў, якая пры нагодзе вэрнісажу выставы прысвоіла мастаку тытул ганаровага прафэсара, выстава часткова мела рэтраспэктыўны характар. Можна было паглядзець працы Лявона Тарасэвіча з 1984 году па сёньняшні дзень. Але частка працаў была падрыхтаваная адмыслова для гэтай выставы – гаворыць мастак.

Зь Лявонам Тарасэвічам пра выставу яго мастацкіх працаў у Музэі архітэктуры ва Ўроцлаве размаўляў Яраслаў Іванюк. Фотасправаздачу са шпацыру па выставе з мастаком можаце глядзець на нашым інтэрнэт-сайце.

Гутарка з мастаком у далучаным гукавым файле