1 траўня працоўныя павінны змагацца за свае правы

Сьвята 1 траўня вядомае ўсім людзям на постсавецкай прасторы, ды й ня толькі. У першы дзень траўня Сьвята працы адзначаецца ў 142 краінах сьвету, у Беларусі ды Польшчы – гэта свабодны ад працы дзень.

1 траўня вельмі пампэзна адзначаўся ў часы Савецкага Саюзу, існаваў абавязак прысутнічаць на першамайскай дэманстрацыі. Тым ня менш, гэта далёка не сацыялістычнае сьвята, яго гісторыя нарадзілася ў заходніх буржуазных краінах.

Усё пачалося 1 траўня 1886 году, калі амэрыканскія рабочыя ў Чыкага зладзілі страйк з патрабаваньнем 8-гадзіннага рабочага дня. Пратэст быў жорстка падаўлены паліцыяй. У ліпені 1889 году парыскі кангрэс ІІ Інтэрнацыяналу ў памяць пра тыя падзеі прыняў рашэньне аб правядзеньні 1 траўня дэманстрацый.

Гісторыю і сёньняшні дзень Сьвята працы прыгадвае гісторык, палітоляг, адзін з ініцыятараў адраджэньня сацыял-дэмакратычнага руху ў Беларусі Анатоль Сідарэвіч.

слухайце, калі ласка, далучаны гукавы файл

нг