Хакеры зладзілі кібэратаку на польскія пашпарты

Вынікі галасаваньня над выглядам новага польскага пашпарту, мабыць, несапраўдныя. Былі выяўленыя кібэратакі на ўрадавы сайт ZaprojektujPaszport.gov.pl. На гэтым сайце можна было прагаласаваць за гістарычны матыў, які павінен быць зьмешчаны ў пашпарце. Атакі праводзіліся з IP-адрасоў у Кіеве, Базылеі (Швайцарыя), у Будапэшце і Бухарэшце. Мэтай была фальсыфікацыя вынікаў галасаваньня.

У той час, як у Польшчы абмяркоўваўся выгляд новага пашпарту, украінскія ўлады пратэставалі супраць выявы могілак Львоўскіх арлянят, а ўладам Летувы не спадабалася ідэя зьмясьціць на польскім пашпарце выяву Вострай брамы з Вільні.

Dziennik.Gazeta Prawna/яс