Кампанія PKP Cargo плянуе выкарыстоўваць вадароднае паліва ў сваіх лякаматывах. Прадстаўнікі PKP Cargo й Ястшэмбскай вугальнай кампаніі (Jastrzębska Spółka Węglowa) надоечы падпісалі лісты аб намерах па супрацы ў будаўніцтве вадароднага рухавіка для лякаматываў.
Старшыня PKP Cargo Чэслаў Варсэвіч (Czesław Warsewicz) лічыць, што будаўніцтва такога рухавіка зьвязанае ня толькі з пошукам танных крыніц энэргіі, інвэстыцыяй у інавацыйныя рашэньні, але таксама з аховай навакольнага асяродзьдзя. Ён нагадаў, што вадародны рухавік дапаможа скараціць выкіды CО2 і зьменшыць забруджаньне навакольнага асяродзьдзя. „Праўда, гэта дадатковы эфэкт, але важны з пункту гледжаньня краіны”, - дадаў Варсэвіч.
Ачышчаны вадарод можа быць выкарыстаны для атрыманьня электрычнай энэргіі, скажам, у грамадзкім транспарце. Напрыклад, выкарыстаньне вадароднай тэхналёгіі бярэцца пад увагу ў праграме мадэрнізацыі гарадзкога транспарту ў рэгіёне Сылезія.
Дакумэнт, які падпісалі прадстаўнікі PKP Cargo і Ястшэмбскай вугальнай кампаніі, прадугледжвае супрацоўніцтва ў галіне дасьледаваньняў і аналізу, а таксама ў будаўніцтве машын на вадародным прывадзе. Старшыня PKP Cargo мяркуе, што першы лякаматыў на вадародным прывадзе можа быць выпушчаны ўжо празь некалькі гадоў.
аз
Польская чыгунка робіць стаўку на вадародныя рухавікі
Першы лякаматыў на вадародным прывадзе можа быць выпушчаны ўжо празь некалькі гадоў.
Кампанія PKP Cargo плянуе выкарыстоўваць вадароднае паліва ў сваіх лякаматывах. Прадстаўнікі PKP Cargo й Ястшэмбскай вугальнай кампаніі (Jastrzębska Spółka Węglowa) надоечы падпісалі лісты аб намерах па супрацы ў будаўніцтве вадароднага рухавіка для лякаматываў.
Старшыня PKP Cargo Чэслаў Варсэвіч (Czesław Warsewicz) лічыць, што будаўніцтва такога рухавіка зьвязанае ня толькі з пошукам танных крыніц энэргіі, інвэстыцыяй у інавацыйныя рашэньні, але таксама з аховай навакольнага асяродзьдзя. Ён нагадаў, што вадародны рухавік дапаможа скараціць выкіды CО2 і зьменшыць забруджаньне навакольнага асяродзьдзя. „Праўда, гэта дадатковы эфэкт, але важны з пункту гледжаньня краіны”, - дадаў Варсэвіч.
Ачышчаны вадарод можа быць выкарыстаны для атрыманьня электрычнай энэргіі, скажам, у грамадзкім транспарце. Напрыклад, выкарыстаньне вадароднай тэхналёгіі бярэцца пад увагу ў праграме мадэрнізацыі гарадзкога транспарту ў рэгіёне Сылезія.
Дакумэнт, які падпісалі прадстаўнікі PKP Cargo і Ястшэмбскай вугальнай кампаніі, прадугледжвае супрацоўніцтва ў галіне дасьледаваньняў і аналізу, а таксама ў будаўніцтве машын на вадародным прывадзе. Старшыня PKP Cargo мяркуе, што першы лякаматыў на вадародным прывадзе можа быць выпушчаны ўжо празь некалькі гадоў.
аз