Польшча можа адмовіцца ад зьмены часу

Dziennik Gazeta Prawna паведамляе пра тое, што ў Польшчы зьявілася сур’ёзная ініцыятыва наконт таго, каб адмовіцца ад зьмены часу. Адыйсьці ад пераводу стрэлак восеньню й вясной запрапанавала парлямэнцкая апазыцыйная Польская сялянская партыя.

У польскім Сэйме часта ёсьць так, што інтарэсы кіруючай партыі й апазыцыі кардынальна разыходзяцца, але пра пытаньне зьмены часу гэтага не скажах. Ідэю падтрымлівае таксама кіруючая кансэрватыўная партыя «Права й справядлівасьць» і іншыя парлямэнцкія партыі, а гэта можа азначаць, што ў Польшчы адменяць перавод стрэлак.

Адзінай памехай можа быць Брусэль, таму што зьмену часу рэгулюе дырэктыва Эўрапейскага Зьвязу, але эўрачыноўнікаў можна будзе пераканаць, лічаць польскія палітыкі. Тым больш, што згодна з сацыялягічнымі дасьледаваньнямі 76% жыхароў Эўразьвязу выступаць супраць зьмены часу, паведамляе Dziennik Gazeta Prawna.

вс