Беларускі гістарычны зборнік вывучыў беларуска-кітайскія адносіны

Беларускі гістарычны зборнік, які выдаецца ў Беластоку Беларускім гістарычным таварыствам з паловы 90. гадоў мінулага стагодзьдзя, гэта ня толькі месца, дзе публікуюцца вынікі гістарычных дасьледваньняў, датычных даўніх вякоў.
Усё часьцей на старонках зборніка зьяўляюцца артыкулы з навейшай гісторыі ці паліталёгіі.

У новым нумары, які выйшаў з друку на пачатку ліпеня, напрыклад, Антон Каліноўскі піша пра адносіны Ўкраіны зь Беларусьсю паміж дзьвюма ўкраінскімі рэвалюцыямі - у 2004-2014 гадах.

Іншай тэмай займаецца прафэсар Яўген Мірановіч. Ягоны артыкул гаворыць пра чвэрць стагодзьдзя - як сам называе гэта аўтар - "канструктыўнага партнэрства" паміж Рэспублікай Беларусь і Кітайскай Народнай Рэспублікай.

Размова ў далучаным гукавым файле.

Яраслаў Іванюк