Польскія сярэднія школы абвесьцілі вынікі набору вучняў

15 ліпеня сярэднія школы ў Польшчы абвесьцілі вынікі набору вучняў.

ІІ агульнаадукацыйны ліцэй зь беларускай мовай навучаньня ў Бельску Падляскім прыняў у першы клас каля 70 вучняў. На 10 вучняў менш прыняў агульнаадукацыйны ліцэй у рамках комплексу школаў з дадатковым навучаньне беларускай мове ў Гайнаўцы.

Пры нагодзе тэмы набору ў школы ў Польшчы, трэба згадаць, што сыстэму асьветы ў краіне чакаюць грунтоўныя зьмены, аб якіх заявіла нядаўна міністар адукацыі.
Праз тры гады ня будзе ўжо гімназіяў, якія ўзьніклі ў 1999 годзе. Вернуцца затое чатырохгадовыя агульнаадукацыйныя ліцэі.

Яўген Сачко, які кіруе комплексам школаў у Гайнаўцы, лічыць, што ліквідацыя гімназіяў - гэта не надта добрая ідэя. На прыкладзе яго школы можна паказаць, што стварэньне гімназіяў 17 гадоў таму было добрай ідэяй.

слухайце далучаны гукавы файл

Размаўляў Яраслаў Іванюк