“Справядлівасьць” па-крэмлёўску

Потым іх судзяць на сфабрыкаваных працэсах, піша штодзёнка “Rzeczpospolita”.

Год за кратамі расейскай турмы правёў украінскі рэжысёр Алег Сянцоў. Яго арыштавалі на Крыме пасьля анэксіі выспы, ды выслалі ў Маскву. Цяпер расейская пракуратура дамагаецца для яго 23 гады турмы за “нібыта” тэрарыстычны акт – падпальваньне дзьвярэй адной прарасейскай арганізацыі. Украінец заявіў у адказ, што не чакае аніякай справядлівасьці ад акупантаў. Працэс сфабрыкаваны, што бачна па тым, як сьведкі прызнаюцца, што давалі паказаньні на ўкраінца пад ціскам і катаваньнямі сьледчых. Разам з тым, выданьне піша, што на пазыцыю расейскага суда гэта ніяк не паўплывае.

Затрыманы ўкраінскі рэжысёр – гэта не адзін выкрадзены Крамлём. У сераду расейскі суд асудзіў на 13 гадоў турмы эстонскага афіцэра, якога Масква абвінаваціла ў нелегальны пераходзе праз мяжу, шпіёнстве ды кантрабандзе зброяй. Насамрэч расейцы выкралі эстонцы з тэрыторыі ягонай краіны, калі ён знаходзіўся ў памежным рэгіёне, піша выданьне.

Найбольш вядомым на сёньня вязьнем Крамля, якога выкралі зь тэрыторыі іншай дзяржавы, зьяўляецца Надзея Саўчанка. Яе выкралі з тэрыторыі украінскага Данбасу, прывезьлі патаемна ў Расею, дзе цяпер спрабуюць судзіць. Расейская пракуратура заявіла на днях, што Саўчанка сама прыехала ў Расею, дзе яе й арыштавалі.

На гэтым сьпіс выкрадзеных Расеяй не завяршаецца. На днях украінец з Луганску, які паехаў лячыцца ў Расею, трапіў ў псыхіятрычны шпіталь. Мясцовае ФСБ спрабавала зрабіць з непісьменнага калгасьніка жаўнера батальёну “Днепр”, каб потым прышыць ім масавыя расстрэлы. Гэтыя прыклады павінны стаць папярэджаньне пра тое, што адбываецца ў Расеі, піша выданьне.

юл