Гаага дае нам вязьня

Як гэта магчыма? Папрасіў аб гэтым Крымінальны суд для былой Югаславіі, які прысудзіў сэрба да 35 гадоў зьняволеньня.

Прапанову суду ў Гаазе павінен разгледзець акруговы суд у Варшаве.

Польшча зьяўляецца адной з 17 дзяржаваў, якія ў дамоўленасьці з АНН абавязаліся прымаць ваенных злачынцаў. Да гэтай пары Крымінальны суд у Гаазе накіроўваў іх пераважна ў заходнія краіны. Чаму гэтым разам выбраў Польшчу? Афіцыйна ніхто не дае тлумачэньняў. Аднак журналістам GW удалося высьвятліць, што ніводая заходняя краіна не ў стане гарантаваць Крсьцічу бясьпеку.

Два гады таму ў ангельскай турме на сэрба напалі тры мусульманскія вязьні й перарэзалі яму горла. Крсьціч ледзь выжыў.

Мусульмане імкнуліся адпомсьціць яму за злачынствы ў былой Югаславіі ў 1990-ых гадах, калі сэрбскія салдаты пад камандаваньнем Крсьціча забілі ў Срэбрэніцы 130 тысяч мусульманскіх мужчын і хлопцаў.

За ўтрыманьне вязьня заплацяць польскія падаткаплатнікі. Гадавы кошт - гэта 6 тысяч эўра.

яс/Gazeta Wyborcza