Прэзыдэнтам Паўднёвай Асэтыі стане былы шэф КДБ

Фота: gorod48.ru

Былы шэф КДБ Леанід Табілаў выграў другі тур паўторных выбараў прэзыдэнта ў Паўднёвай Асэтыі. Ён атрымаў 54% галасоў – паінфармавала цэнтральная выбарчая камісія сэпаратысцкай рэспублікі.

Супернік Табілава, упаўнаважаны па правах чалавека Давід Санкоеў атрымаў 42,7% галасоў. Выбарчая яўка склала 71%.

На папярэдніх выбарах прэзыдэнта Паўднёвай Асэтыі кандыдата Анатолія Бібілава, якога падтрымліваў Крэмль, перамагла прадстаўніца апазыцыі Ала Джыоева. Аднак Вярхоўны суд сэпаратысцкай рэспублікі ануляваў выбары й загадаў правесьці паўторнае галасаваньне. Ала Джыоева была арыштаваная спэцслужбамі і ў выніку гіпэртанічнага крызу патрапіла ў шпіталь, дзе яна знаходзілася да 24 сакавіка.

Грузія лічыць нелегальнымі выбары ў Паўднёвай Асэтыі, незалежнасьці якой Тбілісі не прызнае.

РАР/ап