Войскі NATO канцэнтруюцца на ўсходзе Афганістану

Ва ўсходнеафганскай правінцыі Газні, дзе разьмешчаны польскі кантынгент, павялічана колькасьць амэрыканскіх войскаў. Групоўка ўзмацняецца, каб праводзіць больш актыўныя дзеяньні супраць талібаў. Гэта не азначае, што войскі кааліцыі вырашылі зьмяніць стратэгію вайны – паведаміў журналістам міністар абароны Польшчы Томаш Сямоняк. Такім чынам NATO адказвае на сэзоннае ўзмацненьне актыўнасьці талібаў. Зімой яны пераходзяць у Пакістан, а да сябе вяртаюцца на вясну й лета.

Польскія жаўнеры перадалі амэрыканцам тры базы на поўдні правінцыі Газні, а самі сканцэнтраваліся ў паўночнай частцы рэгіёну.

IAR/ап