Разьбіўся самалёт з хакеістамі

Фота: AFP

Самалёт ЯК-42 з хакейнай камандай „Лякаматыў” на борце разьбіўся падчас узьлёту ў аэрапорце „Туношна” Яраслаўскай вобласьці.

Паводле апошніх паведамленьняў, загінулі 43 чалавек, 2 асобы выжылі катастрофу. Паводле агенцтва „Інтэрфаx”, адной зь іх зьяўляецца чалец экіпажу самалёта.

Як паведамляюць беларускія СМІ, расейскія хакеісты накіроўваліся ў Менск на матч Кантынэнтальнай хакейнай лігі зь менскім „Дынама”.

Паводле паведамленьняў расейскіх журналістаў, на борце была ўся каманда „Лякаматыва”.

Нагадаем, у бягучым сэзоне кантракт з „Лякаматывам” падпісаў вядомы беларускі хакеіст Руслан Салей. Сярод пасажыраў мог знаходзіцца яшчэ адзін беларускі хакеіст Сяргей Астапчук.

У склядзе ярасляўскай каманды, апрача грамадзян Расеі знаходзяцца таксама грамадзяне Беларусі, Латвіі, Польшчы, Украіны, Нямеччыны, Чэхіі й Швэцыі, а сярод трэнэраў - грамадзяне Канады й Фінляндыі.

Міжурадавы авіяцыйны камітэт паклікаў адмыслёвую камісію для расьсьледаваньня прычын катастрофы.

аз