Расейскія чыноўнікі атрымаюць доступ да перапіскі карыстальнікаў Tinder

Папулярны сэрвіс знаёмстваў Tinder, які налічвае больш за 50 мільёнаў чалавек, запісалі ў расейскі рэестр арганізатараў распаўсюджваньня інфармацыі, паведамляе „Наша Ніва” са спасылкай на РИА Новости.

Гэта азначае, што сайт будзе абавязаны дзяліцца з расейскай ФСБ усімі карыстальніцкімі данымі й перапіскай.

На сайце Tinder гаворыцца, што акрамя базавай інфармацыі пра карыстальнікаў — імя, пол і ўзрост — кампанія таксама захоўвае вашы фоты й відэа, IP-адрасы, у асобных выпадках — уліковыя запісы ў сацсетках і аплатныя карты.

аз