Трыбунал ААН стаў на бок Украіны

Міжнародная ўстанова патрабуе вызваленьня затрыманых Расеяй украінскіх маракоў.

Міжнародны трыбунал ААН па марскім праве (ITLOS) пастанавіў, што Расея павінна вызваліць 24 украінскіх маракоў, затрыманых падчас інцыдэнту ў раёне Керчанскай цясьніны, і перадаць Украіне тры канфіскаваныя судны. Пра гэта заявіў старшыня суду на слуханьнях у Гамбургу.

Трыбунал заклікаў абодва бакі пазьбягаць крокаў, якія могуць прывесьці да «абвастрэньня вельмі напружанай сытуацыі» у Керчанскай цясьніне. Расея ды Ўкраіна павінны да 25 чэрвеня гэтага года падаць свае справаздачы і бачаньне сытуацыі па Керчанскім інцыдэнце.

Масква апавясьціла трыбунал аб тым, што не будзе ўдзельнічаць у слуханьнях. Учора МЗС Расеі заявіла, што працэдуры арбітражу спрэчак, прапісаныя ў Канвэнцыі ААН па марскім праве, ня тычацца керчанскага інцыдэнту, а сам Трыбунала няма адпаведнай юрысдыкцыі, каб разглядаць дадзеную справу. У зьвязку з гэтым Расея не зьбіраецца выконваць вэрдыкт Трыбуналу.

У сваю чаргу прэзыдэнт Украіны Уладзімір Зяленскі пракамэнтаваў у сваім профілі на Facebook рашэньне Трыбунала ААН па справе інцыдэнту ў Керчанскай цясьніне. Ён заявіў, што выкананьнем прысуду Расея прадэманстравала б сваё жаданьне цывілізаваным спосабам вырашаць створаныя ёй праблемы.

ПР/юл