SpaceX запусьціла спадарожнікі для глябальнага Сеціва

Кампанія Ілона Маска SpaceX запусьціла ракету-носьбіт Falcon 9 з 60 спадарожнікамі для раздачы «сусьветнага інтэрнэту» у рамках праграмы Starlink. Пра гэта паведамляецца ў Twitter-ы кампаніі.

Кожны з спадарожнікаў важыць 227 кг., агульная маса грузу – 18,5 тон. Гэта самая вялікая маса грузу для ракет гэтай мадэлі.

Кампанія плянуе пашырыць колькасьць спадарожнікаў Starlink да амаль 12 тысяч, каб забясьпечыць высакахуткасны доступ да інтэрнэту ва ўсім сьвеце.

SpaceX адна з кампаній, якія ажыцьцяўляюць праекты глябальнага пакрыцьця інтэрнэтам з дапамогай спадарожнікаў на арбіце.

PR/jl