У бліжэйшыя дні сустрэнуцца лідары Паўночнай Карэі і Расеі

У сваю чаргу прэсавы сакратар Крамля Дзьмітрый Пяскоў пацьвердзіў, што пры канцы красавіка заплянаваная сустрэча лідараў дзьвюх краін.

Сустрэча Кім Чэн Ына з Уладзімірам Пуціным можа адбыцца ўжо ў бліжэйшую сераду або чацьвер ва Ўладзівастоку. Прэзыдэнт Расеі зьбіраецца там сустрэцца з лідэрам Паўночнай Карэі, падчас паездкі на саміт краін «Паса і шляху», які пачнецца пры канцы тыдня ў кітайскай сталіцы.

Паводле дадзеных японскага агенцтва Kyodo, Кім Чэн Ын прыедзе цягніком ва Ўладзівасток ужо ў сераду. У нядзелю ў адным з унівэрсытэтаў ва Уладзівастоку бачылі кіраўніка расейскай службы дыпляматычнага пратаколу.

Паездка Кім Чэн Ына ў Расею будзе першым замежным візытам з моманту правалу саміту ў Ханоі, дзе Паўночная Карэя не дамовілася са Злучанымі Штатамі ў справе дэнюклеарызацыі. У апошнія дні паўночнакарэйскі МЗС запатрабаваў, каб з перамоўнага працэсу быў выключаны дзяржсакратар ЗША Майк Пампэо, які, паводле рыторыкі Пхеньяна, – ускладняе перамовы.

ПР/юл