У Даніі адбылася страляніна

Адзін чалавек быў забіты і чацьвёра параненыя ў ходзе перастрэлкі, якая адбылася ў суботу позна вечарам у мястэчку Гёрсгольм, што месьціцца на поўнач ад Капэнгагена. Паліцыя паведаміла, што гэта было сутыкненьне канкуруючых мясцовых банд.

Пры падтрымцы з паветра, паліцэйскія атачылі раён, дзе адбылася страляніна, і заклікаў жыхароў не выходзіць з дому.

Сьмяртэльнай ахвярай стаў 20-гадовы мужчына. Параненыя – чацьвёра мужчын ва ўзросьце ад 20 да 27 гадоў. Верагодна ўсе яны зьвязаныя з мясцовымі бандамі. Ўлады гарантуюць, што сярод параненых няма выпадковых мінакоў. На месцы паліцыя затрымала 14 чалавек, якія падазраюцца ў датычнасьці да страляніны.

Горад Гёрсгольм знаходзіцца прыкладна ў 30 км. на поўнач ад Капэнгагена. У дацкай сталіцы ды прыгарадах дзейнічаюць шмат злачынных груп. Расьце лічба сутыкненьняў паміж імі.

ПР/юл