Вугоршчына ладзіць выставу пра Варшаву

На выставе прадстаўлены фотаздымкі польскай сталіцы міжваеннага пэрыяду, зробленыя фатографамі «Illustrated Daily Courier».

Куратар выставы Ганна Бжэзінска распавяла Польскаму радыё, што пошукі матэрыялу для выставы доўжыліся больш за год. За гэты час арганізатары прагледзелі некалькі дзясяткаў тысяч фотаздымкаў з калекцый Нацыянальнага электроннага архіва. Імёны многіх аўтараў здымкаў невядомыя.

Фотаздымкі, прадстаўленыя ў вугорскай сталіцы, зьяўляюцца часткай выставы, паказанай летась у Варшаве ў рамках сьвяткаваньня 100-годзьдзя незалежнасьці Польшчы.

Унікальныя фотаздымкі можна ўбачыць у Будапэшце да 3 траўня.

ПР/юл