Амэрыканская гуманітарная дапамога падзяліла Вэнэсуэлу

Лідэр апазыцыі ў Вэнэсуэле, Хуан Гуайдо паведаміў, што мабілізуе тысячы добраахвотнікаў дзеля дыстрыбуцыі гуманітарнай дапамогі са Злучаных Штатаў для патрабуючых.

У сваю чаргу прэзыдэнт Нікалас Мадура заявіў, што ўзмоцніць ахову мяжы, каб заблякаваць «амэрыканскае ўварваньне».

Уздоўж мяжы з Калюмбіяй знаходзяцца тоны ежы са Злучаных Штатаў. Апазыцыя патрабуе дапамогі людзей, каб пераправіць яе ў Вэнэсуэлу. Хуан Гуайдо абвясьціў, што ўжо 600 тысяч чалавек запісалі ў валянтэры, каб перанесьці ежу праз памежныя пункты.

Паводле неафіцыйнай інфармацыі, амэрыканскае войска плянуе ў бліжэйшыя дні даставіць дадатковыя 200 тон харчаваньня на мяжу з Вэнэсуэлай.

Дадатковая дапамогу неўзабаве будзе трапляць у Вэнэсуэлу праз Бразылію ды краіны Карыбскага басэйну.

ПР/юл