Выбух і пажар у цэнтры Парыжа

Два чалавекі ў крытычным стане пасьля выбуху, які адбыўся ў пякарні па вуліцы Траверс у 9-ай акрузе паўночнай часткі парыскага цэнтра, стан сямі чалавек крытычны, 11 атрымалі лёгкія раненьні. Па словах службаў, пацярпелых можа быць больш.

Выбух выклікаў пажар, а таксама разбурэньні ў суседніх будынках, у навакольных будынках выбітыя вокны. На месцы ідзе выратавальная акцыя пажарных і паліцыі.

Па папярэдніх дадзеных, прычынай выбуху магла быць ўцечка бытавога газу.

Інцыдэнт адбыўся ў той дзень, калі ўлады Парыжа і многіх іншых гарадоў Францыі рыхтаваліся да чарговай, дзявятай па ліку, хвалі пратэстаў, арганізаванай рухам «жоўтых камізэлек». Для захаваньня парадку ўлады накіравалі 80 тысяч чалавек службаў парадку, у тым ліку 5 тысяч у самым Парыжы.

ав