Дональд Трамп больш ня хоча фінансаваць Гандурас, Гватэмалу і Сальвадор

Прэзыдэнт Дональд Трамп заявіў, што Злучаныя Штаты Амэрыкі вырашылі спыніць усю фінансавую дапамогу для Гандураса, Гватэмалы і Сальвадора. Гэта адказ на паходы бежанцаў з тых краін, якія штурмуюць межы ЗША.

«Мы даем ім грошы, каб пабудавалі эканоміку і паляпшалі жыцьцё сваіх грамадзян, а яны іх мантачаць і выкарыстоўваць нас», – сказаў Дональд Трамп.

ЗША штогод прызначаюць каля 200 мільёнаў даляраў у якасьці дапамогі для Цэнтральнай Амэрыкі. У тым ліку сродкі для барацьбы з наркакартэлямі і бандамі. Са справаздачы Дзярждэпартамэнта вынікае, што нягледзячы на дапамогу ЗША, эканамічная сытуацыя ў гэтых краінах пастаянна пагаршаецца. Расьце карупцыя, а ўлады ня могуць забясьпечыць людзей працай, ні спакоем.

Тысячы бежанцаў з Цэнтральнай Амэрыкі чакаюць на мяжы з Мэксыкай, каб уехаць у Злучаныя Штаты. У Гандурасе арганізавалі яшчэ адзін паход, які рухаецца ў напрамку Злучаных Штатаў.

Тым ня менш, канчатковае рашэньне пра абмежаваньне або прыпыненьне дапамогі Цэнтральнай Амэрыцы не належыць прэзыдэнту а Кангрэсу ЗША.

яс