У Эўразьвязе занепакоеныя ростам антысэмітызму

Большая частка габрэйскага насельніцтва ў Эўропе мяркуе, што за апошнія пяць гадоў антысэмітызм у Эўрапейскім Зьвязе прыкметна ўзмацніўся. Такога меркаваньня прытрымліваюцца 63% рэспандэнтаў у 12 краінах ЭЗ, сьведчаць апублікаваныя ў панядзелак, 10 сьнежня, дадзеныя апытаньня, якое правяло Агенцтва Эўразьвязу па асноўных правах чалавека.

Акрамя таго, 45% апытаных назвалі антысэмітызм вельмі вялікай праблемай. 40% удзельнікаў апытаньня баяцца ў бліжэйшыя месяцы стаць ахвярай нападу з-за іх прыналежнасьці да юдаізму.

У той жа час, паводле дадзеных дасьледаваньня, гэтыя боязі за апошні год апраўдаліся толькі ў 2% рэспандэнтаў. Апытаньне паказала, што рост антысэмітызму асабліва прыкметны ў інтэрнэце і ў сацыяльных сетках.

корреспондент/deutsche welle/вс