Генэральны сакратар НАТО патрабуе ад Расеі выконваць ракетную дамову з ЗША

Генэральны сакратар Паўночнаатлянтычнага альянсу Енс Столтэнбэрг заявіў, што Расея павінна неадкладна прыступіць да выкананьня Дагавора аб ліквідацыі ракет сярэдняй і малой дальнасьці. Пра гэта кіраўнік ваенна-палітычнага пакту паведаміў на прэс-канфэрэнцыі перад пачаткам пасяджэньня міністраў замежных спраў членскіх краін НАТО ў Брусэлі.

Столтэнбэрг падкрэсьліў, што падчас пасяджэньня кіраўнікоў МЗС будзе абмяркоўвацца пытаньне згаданай дамовы. Кіраўнік НАТО лічыць, што гэтае пагадненьне ліквідавала цэлую катэгорыю зброі, але яно цяпер пад пагрозай зрыву з боку Расеі. Енс Столтэнбэрг зазначыў, што Масква сканструявала, вырабіла й разьмясьціла новую ракету, якая надзвычай мабільная й якую цяжка выявіць. Пры гэтым ракета можа пераносіць ядзерны зарад і можа дасягнуць эўрапейскіх гарадоў, зазначыў кіраўнік НАТО.

Ён пры гэтым падкрэсьліў, што ЗША, у адрозьненьні ад Расеі, цалкам выконваюць ракетны дагавор, і што ў Эўропе няма новых амэрыканскіх ракет.

вс