У Кіеве патрабуюць грамадзянства для замежнікаў, якія ваявалі ва Ўкраіне

Каля будынка Вярхоўнай Рады ў Кіеве ў аўторак, 2 кастрычніка, прайшла акцыя з патрабаваньнем спрасьціць атрыманьне грамадзянства замежнікам, якія ўдзельнічалі ў ваенных дзеяньнях на Данбасе.

Ля Вярхоўнай рады сабралася каля 500 актывістаў партыі «Нацыянальны корпус», арганізацыі «Нацыянальныя дружыны» й партыі «Свабода».

Актывісты патрабуюць ад дэпутатаў прыняць законапраект, які прадугледжвае спрошчаную працэдуру атрыманьня ўкраінскага грамадзянства для воінаў-замежнікаў, мараторый на выдачу вэтэранаў вайны замежным дзяржавам (у прыватнасьці, Расеі) і міграцыйную амністыю.

Пратэстоўцы заяўляюць, што падчас перамоваў з дэлегацыяй замежных удзельнікаў канфлікту й дэпутатаў старшыня Вярхоўнай рады Андрэй Парубій паабяцаў, што законапраект неўзабаве ўнясуць на разгляд Рады.

вс