Папа Францішак правядзе 4 дні ў краінах Балтыі

У суботу раніцай, 22 верасьня, Папа Рымскі Францішак прыляцеў у Вільню, дзе ў яго заплянаваныя сустрэчы з прэзыдэнтам Летувы Даляй Грыбаўскайце, прамова перад чальцамі ўрада, дыпляматамі і грамадзкімі дзеячамі на плошчы ля Прэзыдэнцкага палаца.

Таксама Пантыфік наведае «Вострую браму» і сустрэнецца з моладзьдзю на Катэдральным пляцы.

Раніцай 23 верасьня Папа наведае Коўна, дзе адслужыць сьвятую Імшу ды возьме ўдзел у малітве «Анёл Панскі». Затым ізноў вернецца ў Вільню, дзе памоліцца каля помніка ахвярам Віленскага гета і наведае Музэй акупацыі і змагароў за свабоду. 24 і 25 верасьня, Пантыфік наведае Латвію і Эстонію

Тысячы беларускіх каталікоў выпраўляюцца на сустрэчы з Пантыфікам. Упершыню ён будзе так блізка – літаральна за 40 км. ад беларускай мяжы.

Паводле ПР/Наша Ніва/юл