Партал Airbnb пад лупай Эўракамісіі

Сёньня заканчваецца тэрмін ультыматуму, які Эўрапейская камісія дала папулярнаму парталу па арэндзе жыльля Airbnb. Брусэль, беручы пад увагу інтарэсы спажыўцоў, патрабуе выкананьня стандартаў ЭЗ і пагражае фінансавымі санкцыямі.

Больш за месяц таму, Эўрапейская камісія пакрытыкавала Airbnb за адсутнасьць празрыстых цэн за арэнду на сваім сайце. «Цана, якая адлюстроўваецца ў пачатку пошуку, не становіцца канчатковай цаной, паколькі пазьней дадаюцца іншыя выдаткі. Акрамя таго, цяжка вызначыць, ці гэта арэнда ў прыватнай асобы ці ў прадпрыемства. А гэта важна, таму што тады выкарыстоўваюцца іншыя нормы па абароне правоў спажыўцоў”, - растлумачыў камісар па справах спажыўцоў.

У мінулым годзе ў Эўракамісію паступіла каля 6 тысяч скаргаў на паслугі, якія датычылі арэнды жыльля.

яс