Украінец сам сябе выслаў у бандэролі, каб абакрасьці пошту

Тры гады пазбаўленьня волі ўмоўна на два гады – такі прысуд атрымаў жыхар украінскага горада Дняпро, які незвычайным спосабам спрабаваў абакрасьці пошту. Для выкананьня гэтага, злачынца сам сябе выслаў у бандэролі. Здарэньне адбылося ў канцы мінулага года.

Суд прыйшоў да высновы, што мужчына вінаваты ў спробе крадзяжу электроннага абсталяваньня.

Жыхар Дняпра схаваўся ў драўляную скрынку і папрасіў сябра адправіць яе па пошце ў Харкаў за 250 кілямэтраў ад роднага горада. Так яно і адбылося.

Падчас транспарціроўкі пошты грузавіком, злачынец выйшаў са скрынкі і нажом адкрыў іншыя бандэролі, якія былі адпраўленыя ў Харкаў. Ён знайшоў, сярод іншага, ноўтбук, гадзіньнік і мабільны тэлефон. Затым злодзей зноў схаваўся ў скрыню. Аднак на месцы прызначэньня яго схапілі супрацоўнікі пошты.

Суд выдаў умоўны прысуд, таму што мужчына выхоўвае няпоўнагадовае дзіця і мае добрую рэпутацыю сярод сяброў і знаёмых.

яс