Заснавальнік Geelу стаў найбуйнейшым акцыянэрам Daimler

Старшыня праўленьня кітайскай кампаніі Geely Automobile Holdings Ltd Лі Шуфу купіў акцыі нямецкага аўтаканцэрна Daimler за 9 млрд даляраў. Купіўшы 9,7-працэнтную долю акцый Daimler, Лі стаў найбуйнейшым акцыянэрам нямецкага аўтавытворцы.

Акцыі Geely раніцай у панядзелак, 26 лютага, падаражэлі на 6,7% на фоне надзей на тое, што кампанія атрымае доступ да тэхналёгій Daimler.

Нагадаем, у мінулым годзе кампанія Geely набыла долю ў Volvo Trucks і Lotus.

У Беларусі існуе створанае ў канцы 2011 году сумеснае беларуска-кітайскае прадпрыемства «Белджы» па зборцы аўтамабіляў Geely.

паводле reuters/вс