Турэцкая армія пачала сухапутную й паветраную апэрацыю ў Сырыі

Турэцкая армія пацьвердзіла пачатак наземнага й паветранага наступу ў Сырыі. Апэрацыя скіраваная супраць курдзкіх Атрадаў народнай самаабароны. Турцыя лічыць іх тэрарыстычнай арганізацыяй.

Турэцкая армія сьцьвярджае, што апэрацыя «Аліўкавая галінка» праводзіцца для барацьбы з джыхадыстамі, а таксама супраць так званай «Ісламскай дзяржавы».

Узброеныя сілы Турцыі таксама падкрэсьліваюць, што апэрацыя будзе праводзіцца з павагай тэрытарыяльнай цэласнасьці Сырыі.

У сувязі з турэцкай апэрацыяй Расея выказала сваю занепакоенасьць. Міністэрства замежных спраў РФ паведаміла, што Масква настойвае на тым, каб Турцыя спыніла наступ. «Мы занепакоеныя гэтай навіной і заклікаем бакі праяўляць стрыманасьць», – гаворыцца ў заяве расейскага МЗС.

вс