Расейскія каталікі моляцца за супакой душаў ахвяр камунізму

У дзень стагодзьдзя Кастрычніцкай рэвалюцыі ў каталіцкіх касьцёлах Расеі вернікі моляцца за супакой душаў ахвяр часоў камунізму, а таксама ў інтэнцыі бэатыфікацыі пакутнікаў тых часоў.

Паводле словаў генэральнага сакратара Канфэрэнцыі каталіцкіх біскупаў Расеі Ігара Кавалеўскага, бэатыфікацыя пакутнікаў камуністычных часоў праходзіць ня так хутка, як хацелася б. Ён нагадаў, што афіцыйна блаславёнымі Рыма-каталіцкага касьцёлу сталі сьвятары Ўладзіслаў Букавінскі й Аляксандр Зарыцкі, рэпрэсаваныя ў СССР па палітычных матывах.

Ксёндз Ігар Кавалеўскі падкрэсьліў, што пакутнікі камуністычных часоў аб'ядноўваюць праваслаўных і каталікоў. «У савецкія часы перасьледам падвяргаліся ўсе вернікі, усе яны цярпелі за сваю веру», – сказаў ён.

Пры гэтым генэральны сакратар Канфэрэнцыі каталіцкіх біскупаў Расеі адзначыў, што Каталіцкі касьцёл пазьбягае палітычнай ацэнкі Кастрычніцкай рэвалюцыі.

вс