Рым адказаў на патрабаваньне Вышэградзкай групы зачыніць порты

Італьянская прэса паведамляе пра ліст з патрабаваньнем закрыць порты для караблёў зь мігрантамі, які Вышэградзкая група выслала ўраду Італіі.

Учора італьянскі ўрад адказаў, што Італія будзе працягваць выконваць свой абавязак і чакае салідарнасьці, а не інструкцый.

Італьянскія газэты, у залежнасьці ад палітычнай арыентацыі, альбо хваляць ініцыятыву Вышаградзкай групы, альбо яе крытыкуюць.

«Corriere della Sera» піша ў сваім камэнтары, што адрадзілася Аўстра-Венгрыя, так як Аўстрыя і Вышаградзкая група дамагаюцца ад Італіі закрыцьця партоў. У сувязі з тым, журналіст пытаецца, як доўга яшчэ Эўрапейская народная партыя будзе цярпець кіраўніка Вугоршчыны Орбана – «антыэўрапейскага ксэнафоба й антысэміта».

Затое правыя СМІ пахвалілі ініцыятыву Вышаградзкай групы. У штодзённай газэце «Il Giornale», якая належыць Берлусконі, ў рэдакцыйным камэнтары на першай старонцы напісана: «Яны маюць рацыю». Часопіс сьцьвярджае, што кожная разумная краіна будзе абараняць свае межы й сваю ідэнтычнасьць.

У сваю чаргу, кіраўнік «Libero», вядомы журналіст Віторыо Фэльтры (Vittorio Feltri), мяркуе, што італьянскі ўрад павінен спыніць прымаць мігрантаў, таму што ўсе краіны ЭЗ у гэтым пытаньні праяўляюць да Італіі абыякавасьць.

яс