Выбухі ў Дортмундзе былі накіраваныя непасрэдна ў "Барусію"

Выбухі каля аўтобусу, якім ехалі футбалісты клюбу «Барусія», былі атакай, накіраванай непасрэдна ў футбалістаў гэтай каманды – гэта галоўная вэрсія нямецкай паліцыі. У выніку выбуху аўтобус «Барусіі» быў пашкоджаны. Паранены гішпанскі абаронца Марк Бартра Арэгаль, які знаходзіцца ў шпіталі. Яго раненьні лекары ацэньваюць як сур’ёзныя. Астатнія футбалісты не параненыя, яны знаходзяцца ў шоку.

Камэндант паліцыі ў Дортмундзе Грэгар Лангэ пацьвердзіў, што прагучалі тры выбухі. Ён падкрэсьліў, што паліцыя не выключае ніводнай вэрсіі інцыдэнту. У блізу гатэля, дзе жывуць футбалісты, была знойдзеная чацьвёртая выбухоўка, якая не спрацавала.

Нямецкая пракуратура інфармуе, што знойдзены ліст, аўтар якога прызнаецца да атакі. Сьледчыя правяраюць яго аўтэнтычнасьць.

ав