У Эўропе хаваюцца дзясяткі тэрарыстаў "Ісламскай дзяржавы"

Джыхадысты атрымалі ад сваіх лідараў пасланьне, каб "не прыяжджаць у Сырыю або Ірак", а рыхтавацца да тэрактаў на эўрапейскай тэрыторыі.

Гэтую інфармацыю распаўсюдзіў галяндзкі каардынатар антытэрарыстычных дзеяньняў Дык Схооф. На ягоную думку, гэта азначае, што кантынэнт у небясьпецы.

Галяндзец падкрэсьліў, што ваенныя апэрацыі супраць ІД у Сырыі ды Іраку прывялі да таго, што джыхадысты ўцякаюць у іншыя краіны. У бліжэйшай пэрспэктыве гэта можа прывесьці да росту колькасьці бежанцаў.

Такая сытуацыя паўплывае на рост пагрозы для Нідэрляндаў і іншых краін, - дадаў адмысловец. Ён адзначыў, што хоць у Нідэрляндах пакуль не было тэрактаў, то пагроза рэальная.

На Блізкім Усходзе можа змагацца каля 4-5 тысяч джыхадыстаў з эўрапейскімі пашпартамі.

ПР/юл