Дональд Трамп прыгразіў Гілары Клінтан турмой

Падчас другіх тэледэбатаў кандыдатаў на пасаду прэзыдэнта Злучаных Штатаў Амэрыкі дайшло да гвалтоўнай спрэчкі.

Кандыдатка дэмакратаў Гілары Клінтан крытыкавала свайго саперніка за выкарыстоўваньне мовы нянавісьці й абразе розных сацыяльных груп. У сваю чаргу кандыдат рэспубліканцаў Дональд Трамп назваў былую дзяржсакратар прадстаўніцай карумпаванай сыстэмы й заявіў, што месца Клінтан знаходзіцца ў турме.

Дональд Трамп праігнараваў значэньне гуказапісаў, у якіх ён вульгарна выказваўся пра жанчынaў. „Гэта была выключна такая балбатня ў мужчынскай распранальні”, - сказаў Трамп. Ён дадаў, што цяпер у Амэрыкі ёсьць больш важныя праблемы.

„Вельмі добра, што чалавек з тэмпэрамэнтам Дональда Трампа не стаіць на варце правоў у нашай краіне”, - сказала Гілары Клінтан. „Тады ты сядзела б ужо ў турме”, - адказаў ёй мільярдэр.

аз