Нобэля па хіміі атрымалі стваральнікі малекулярных машынаў

Навукоўцы з Францыі, ЗША й Нідэрляндаў сталі ляўрэатамі сёлетняй Нобэлеўскай прэміі па хіміі. Яны былі адзначаныя за праектаваньне й сынтэз малекулярных машын, то бок самых маленькіх машынаў у сьвеце. Пераможцы - гэта францускі навуковец Жан-П’ер Саваж, брытанскі хімік з Эдынбурга сэр Дж. Фрэйзэр Стодарт і галяндзец Бэрнард Фэрынга. Іх прозьвішчы ў Стакгольме абвясьціла Швэдзкая каралеўская акадэмія навук.

Ляўрэаты Нобэлеўскай прэміі ўжо 30 гадоў таму распрацавалі спэцыяльныя часьціцы й выкарыстоўвалі энэргію, каб можна было іх кантраляваць і кіраваць імі.

Паводле навукоўцаў, у будучыні гэтыя малекулярныя машыны змогуць быць выкарыстаныя для выяўленьня ракавых клетак у арганізьме чалавека, дастаўкі лекавых сродкаў або стварэньня новых „разумных” матэрыялаў.

аз