Захарава: Расея чакае тлумачэньняў адносна выказваньня міністра РП

Расея чакае тлумачэньняў адносна выказваньня польскага міністра. Справа тычыцца словаў міністра нацыянальнай абароны Антоні Мацярэвіча, які заявіў, што Расея падштурхнула ўкраінцаў да Валынскай разьні.

На словы польскага міністра адрэагавала прэс-сакратар МЗС Расеі. Марыя Захарава назвала выказваньне Мацярэвіча «шавіністычным». У Фэйсбуку на профілі расейскага МЗС Захарава пытае: ці польскі міністар выказаў афіцыйную пазыцыю Польшчы ці сваю прыватную, і задумоўваецца, ці існуюць якія-небудзь падзеі й прыродныя зьявы, за якія Расея не нясе адказнасьці. І на канец пытае: ці «маўкліва ўхваляючы такія шавіністычныя заявы, польскія ўлады не пераходзяць ад звычайнай русафобіі да распальваньня міжнацыянальнай варожасьці».

Марыя Захарaва напісала ў Фэйсбуку, што Масква хацела б пачуць тлумачэньні ад асоб, упаўнаважаных даваць тлумачэньні па пытаньнях замежжа.

яс