Расейскаму хулігану пагражае турма

Заўзятару каманды Расеі ў футболе, які ўдзельнічаў у беспарадках у Марсэлі, пагражае турэмнае зьняволеньне за бойку.

«Мы валодаем зьвесткамі пра аднаго затрыманага расейскага заўзятара, – паведамілі журналістам y консульстве РФ у Марсэлі. – Яму пагражае турэмнае зьняволеньне. Заўзятару інкрымінуецца нанясеньне цялесных пашкоджаньняў з сурʼёзнымі наступствамі».

Раней паведамлялася, што 35 чалавек пацярпелі падчас беспарадкаў у Марсэлі, дзе ў суботу адбыўся матч чэмпіянату Эўропы паміж зборнымі Англіі і Расеі. Атмасфэра вакол гульні была напружанай праз сутыкненьні фанатаў, якія пачаліся ў Марсэлі яшчэ ў чацьвер і дасягнулі кульмінацыі ў суботу. Паліцыя была вымушаная ўжыць дымавыя шашкі, сьлезацечны газ і вадамёт.

nn.by/нг