Туск і Юнкер не змаглі своечасова вярнуцца ў Брусэль

Жан Клёд Юнкер ужо вярнуўся ў Брусэль, Дональд Туск чакаў адмысловага самалёта.

Абодва палітыкі меліся ўчора вярнуцца з саміту G-20 з турэцкай Анталіі. Аднак зьявіліся праблемы з самалётам, якім яны прыляцелі. Транспарт кіраўніка Эўрапейскай Рады забясьпечваюць Бэльгійскія паветраныя сілы й сёньня яны вырашылі адправіць у Турцыю іншы самалёт.

Самалёт на якім прыляцелі абодва палітыкі разам з супрацоўнікамі чакаў у аэрапорце ў Анталіі й пасьля саміту павінен быў забраць абедзьве дэлегацыі ў Брусэль. „За гэты час штосьці адбылося з самалётам”, - сказаў Польскаму радыё эўрапейскі чыноўнік, аднак не захацеў расказваць падрабязнасьці.

Жан Клёд Юнкер вярнуўся ў Брусэль чартэрам. Дональд Туск чакаў адмысловага самалёта.

Справу дасьледуюць турэцкія спэцслужбы, аднак ніякую інфармацыю не даюць. Карэспандэнт агенцтва Reuters, які знаходзіцца ў аэрапорце, паведаміў, што іншыя самалёты адпраўляліся паводле раскладу.

яс