Украіна: штаб паведамляе пра страты

Прадстаўнікі ўкраінскага штабу антытэрарыстычнай апэрацыі (АТА) паведамілі, што цягам апошніх сутак загінулі 14 украінскіх жаўнераў, а 172 былі параненыя. Пасьля вывада ўкраінскіх войскаў з гораду Дэбальцава на ўсходзе Ўкраіны па-ранейшаму адбываюцца сутыкненьні з сэпаратыстамі, у тым ліку ў Марыупалі й ля аэрапорта Данецка.

Учора горад Дэбальцава пакінулі 2,5 тысячы ўкраінскіх жаўнераў.

Прэс-сакратар штабу АТА Андрэй Лысенка заявіў, што баевікі ўвайшлі ў Дэбальцава. Горад амаль цалкам разбураны.

„Стратэгічны чыгуначны вузел у Дэбальцаве ўжо не існуе, гэта выглядае як паверхня Месяца, усё разбурана: рэйкі, цягнікі, будынак станцыі”, - напісаў Лысенка.

аз