Грузія ня збочыць са шляху ў ЭЗ

Гэтымі словамі тамтэйшы прэзыдэнт пракамэнтаваў заўтрашняе падпісаньне Грузіяй дамовы аб асацыяцыі з Эўразьвязам. Гэта дасьць Грузіі пэрспэктывы дальнейшага разьвіцьця на доўгія гады.

Маргелашвілі заявіў, што ў Тбілісі ёсьць разуменьне таго, што падпісаная дамова не азначае далучэньня да ЭЗ. Ён заклікаў грузін не абражацца на Эўразьвяз за тое, што ён пакуль ня хоча прымаць новых чальцоў. „Нам гэта не перашкаджае, мы ўжо вызначылі свае прыярытэты ў дадзенай справе”. Падчас размовы з Польскім радыё грузінскі прэзыдэнт падкрэсьліў, што для Грузіі няма іншай дарогі разьвіцьця, чым збліжэньне з ЭЗ.

Сярод грузінаў дамінуюць праэўрапейскія погляды. Пры гэтым яны непакояцца, ці іхняя краіна зможа выканаць патрабаваньні ЭЗ.

юл