Няўдалы замах на прэм'ер-міністра Лібіі

У сталіцы Лібіі, Трыпалі прайшла няудалая спроба забойства намесьніка прэм'ер-міністра краіны. Седзік Абдэлькарым, які таксама выконвае абавязкі міністра ўнутраных спраў, выжыў.

Невядомыя злачынцы адкрылі агонь па машыне, на якой палітык ехаў у парлямэнт. Ніхто з калёны ня быў забіты або паранены.

Гэта чарговы напад на чальца лібійскага ўраду ў гэтым месяцы. 12 студзеня ў Сырце быў застрэлены намесьнік міністра інфраструктуры.

Лібійскім уладам цяжка кантраляваць пасьлядоўныя атакі баевікоў, якія падчас паўстаньня супраць Муамара Кадафі здабылі зброю з разрабаваных арсэналаў.

Сытуацыя асабліва напружаная вакол Бэнгазі, дзе ў 2011 годзе пачалася рэвалюцыя. Амаль кожны дзень там здараюцца напады на сілы бясьпекі.

аз