Эдвард Сноўдэн працаўладкаваўся

Эдвард Сноўдэн, які пасьля раскрыцьця сакрэтнай праграмы назіраньня амэрыканскіх спэцслужбаў, знайшоў прытулак ў Расеі, пачынае працаваць. Яго адвакат заявіў агенцтву RIA, што Сноўдэн будзе працаваць для папулярнага расейскага парталу. Аднак ён адмовіўся назваць вэб-сайт па прычыне бясьпекі.

30-гадовы амэрыканец працаваў на Агенцтва нацыянальнай бясьпекі (НСА). Ён вырашыў паведаміць грамадзтву аб праекце PRISM, які палягае на масавым маніторынгу інтэрнэт - пошты, тэлефонных званкоў грамадзян і карыстальнікаў сацыянльных сетак.

Вашынгтон абвінаваціў Сноўдэна ў шпіянажы. У чэрвені, дзеля ўласнай бясьпекі, ён зьбег з Амэрыкі й з Ганконгу прыехаў у Расею. Там атрымаў часовы прытулак.

Невядома, у якой частцы Расеі пражывае Сноўдэн.

яс