Кітайская канкурэнцыя для Панамскага канала?

Кітайскі мільярдэр намерваецца выкапаць у Нікарагуа канал, які стане канкурэнцыяй для Панамскага канала.

Ван Цьзін толькі што атрымаў ад уладаў Нікарагуа 50-гадовую канцэсію на будаўніцтва пераправы, якая злучыць Ціхі й Атлянтычны акіяны.

Будаўніцтва каналу абыдзецца ў 40 мільярдаў даляраў. Працы інвэстар плянуе пачаць ужо налета й завершыць іх у 2020 годзе.

Ван Цьзін зьяўляецца ўладальнікам адной з найбуйнейшых будаўнічых кампаній у Ганконгу. Як адзначаюць камэнтатары, стратэгічны праект цяжка лічыць чарговым прыкладам кітайскай экспансіі ў сьвеце, паколькі Нікарагуа не падтрымлівае дыпляматычных адносінаў зь Кітаем.

Ван Цьзін сьцьвярджае, што будаўніцтва каналу мае выключна камэрцыйны характар, які, як яго кампаніі, так і нікарагуанскім уладам дасьць у будучыні вялікі прыбытак.

аз