Менш нянавісьці на Фэйсбуку

Найбуйнейшая сацыяльная сетка Фэйсбук плянуе лепш абараняць карыстальнікаў ад інтэрнэт-нянавісьці. Фірма абвясьціла ўвядзеньне адмысловых зьменаў пасьля заклікаў многіх груп ціску.

У сваім блёгу экспэрты Фэйсбука прызнаюць, што цяперашнія сыстэмы забесьпячэньняў ад спрэчных і нянавісных матэрыялаў зьяўляюцца недастатковымі. Яны абяцаюць таксама, што кантроль будзе пашырацца ды матэрыялы, якія павінны быць выдаленыя з сеціва, будуць выдаляцца хутчэй.

Прадпрыняць адпаведныя дзеяньні па забесьпячэньні заклікалі між іншым СМІ, рэклямадаўцы і фэмінісцкія групы, якія лічаць, што ў Фэйсбуку распаўсюджваецца нянавісьць.

Кіраўніцтва фірмы таксама намерваецца зьмяніць спосаб вызначэньня таго, што, паводле сеткі, зьяўляецца мовай нянавісьці. У адмысловых кансультацыях па гэтай справе прымуць удзел юрысты й зацікаўленыя групы, а супрацоўнікі фірмы пройдуць спэцыяльную падрыхтоўку.

аз