Міжрэлігійныя сутыкненьні ў Бэлфасьце

Паліцыянты спрабавалі аддзяліць варагуючыя бакі. Дзевяць супрацоўнікаў былі параненыя.

У панядзелак увечары натоўп пратэстуючых закідаў паліцыю камянямі ды бутэлькамі з запальнай сумесьсю. У адказ на гэта паліцэйскія выкарыстоўвалі гумовыя кулі й вадамёты.

Гэта другі дзень беспарадкаў на вуліцах Бэлфасту. У нядзелю, падчас сутыкненьняў паміж прадстаўнікамі дзьвюх канфэсій, атрымалі раненьні 47 паліцыянтаў. Варожасьць паміж каталікамі й пратэстантамі успыхнула з новай сілай на мінулым тыдні, калі пратэстанты зладзілі дэманстратыўнае шэсьце перад каталіцкай царквой, ігнаруючы забарону ўрада.

Беспарадкі найчасьцей здараюцца у летні пэрыяд, калі пратэстанты ладзяць маршы, каб прадэманстраваць сваю прыхільнасьць да брытанскай кароны.

Маршрут шэсьця часта пралягае праз каталіцкія кварталы. Каталікі успрымаюць гэта як праяву трыюмфу з боку пратэстантаў.

юл